22. Azpeitiko Sansilbestrie
Lasteketa bat baina zerbait gehiago bihurtu da Azpeitiko Sansilbestrie. Pasa dan urtean esan bezala, ondo amaitu eta hobeto asteko askorekin jarraituko dugu. Urte oso bat dugu gure ametsak betetzeko. aurretik dugun urte honetan, zuen ametsak egi bihur daitezela opa nahi dizuegu.
LASTERKETA IREKIA: 11:00
Lasterketa irekiak ez du sailkapenik izango, ez eta izen ematerik. Inklusioaren aldeko korrika saioa izango da, eta aukera bikaina iruditzen zaigu, besteak beste, haurrek beren gurasoekin parte hartzeko, korrika inoiz egin ez duen jendea une batez hartan aritzeko eta inklusioaren aldeko aldarri honetan norbere aletxoa jartzeko. 300 metroko jai bat izatea nahi dugu, denok elkarrekin korrika eginez gozatzeko Azpeitiko alde zaharreko kaleetan barrena. Lasaterketa hau zabaltzen TXITA SOUND SISTEM bizikleta joango da lasterketa irekiz eta kaleak musika doinuez animatuz.
AS Lasterketa motza (Berrikuntza). 3Km
12 urtetik aurrera korrika egin nahi dutenek ere urte amaiera modu berean agurtzeko (lasterketa nagusia 14 urtetik aurrera da). Lasterketa motz honetan, gaztetxoak aparte, helduek ere parte hartu ahal izango dute, lagun edo famili artean korrika egiteko. Lehen km kontrolatua izango da.
22.AZPEITIKO SANSILBESTRIE: 12:00 (Ibilbide berria)
6km dituen proba izango da. 2022ko ibilbidea zertxoait aldatuz, doblajeak sahisteko aldaketa batzuk sartu ditugu. Pasa den urtean bezala, errepide nagusia sahiestuz eta alde zaharreko kaleak zeharkatuz. Sailkapena lehiatuko duten horietatik haratago, gure nahia da jendeak kirola eginez agurtzea urtea. Horretarako, iruditzen zaigu egin beharreko distantzia egokia dela. Lasterketa leloa jarraituz, ondo bukatzeko, helmuga gunean, Azpeitiko taberna desberdinetako pintxoak banatuko ditugu, zenbait edari freskagarri eta nola ez giro ona ez da faltako!
DORTSALAK ETA TXIPA:
Txipa dortsalean izango duzue; Dortsalak lasterketa aurreko egunean eta egunean bertan banatuko dira Azpeitiko Berdura Plazan: abenduak 30 larunbata arratsaldeko 16:00tatik 20:00tara, eta abenduak 31 igandea. Egunean bertan goizeko 10:00tan hasiko gara eta proba hasi baino ordu erdi lehenago arte banatuko ditugu. Aurten 1200 dortsal izango ditugu. 200 dortsal 3km lasterketan eta 1000 6km lasterketan. Larunbatean libre geratzen direnak eskuragarri ipiniko dira (10€).
DUTXAK ETA KONSIGNAK:
Dutxak Izarraitz pilotalekuan izango dira, irteera gunetik 100 metrora. Arropak uzteko aukera ere bertan izango duzue.
IZEN EMATEAK:
Aurten izen emateak web honen bidez egin ahalko dira: www.kirolprobak.com. Hain zuzen ere, 7€, 10€, (Kamiseta gabe), 12€ edo 15€ (kamisetarekin) ordainduta. Aurten izen ematea kamiseta gabe egiteko aukera ipini dugu. Gogoratu aukera hau hartu ezkero, ez dela kamiseta oroigarririk emango.
Internet bidezko, izen ematea abenduaren 29an, 23:59tan itxiko da.
Haurrak 2007tik aurrera jaiotakoak badira, Lasterketa Irekian har dezakete parte; Aldiz, hortik atzerakoek gainerakoekin batera irten ahalko dute Lasterketa Herrikoian.
SARIAK:
Urtero bezala sari desberdinak izango dira lehen sailkatuentzat.
6KM/6ESALDI
2023 urtean, ekimen berri bat ipini dugu martxan. Puntu Km bakoitza, esaldi batekin jantzi nahi izan dugu. Horretarako, lehiaketa bat antolatu dugu eta hauek izango dira 22. Azpeitiko Sansilbestreko 6 esaldiak:
1KM: Euskaraz eta elkarrekin, 2024ra gogoarekin!
2KM:Etortzear dagoenarekin amestu
3KM: Ospatuz bukatu, gozatuz hasi.
4KM: Aldapan gora, aldapan behera, iritsi gara helmugara.
5KM: Antxintxike bukau ta laistreka hasi!
6KM: Ez da helmuga, bidaia da, eguneroko abenturaz goza dezagun, Zorionak 2024!